新斗記 (已結業)

家中長輩大壽，在新斗記擺了幾圍請親朋好友賀壽。長輩是新斗記熟客，招待自然熱情細心，因此不能作準^^~當日菜式非常豐富，沒有一一拍照，第一道菜當然不能少得新斗記的招牌乳豬，皮脆肉厚，皮下沒有太多肥膏，喜歡吃皮或肉都可以各取所需。第二道蝦球，蝦非常大隻，煎得很乾身，肉質實淨彈牙，味道啱啱好。之後到薑蔥煀鮑魚，待應即場在炒鍋中炒，香氣四溢，未吃已口水流。鮑魚好淋，唔會似擦膠，除了鮑魚，薑同蔥亦大受歡迎，精華所在，個個爭住食我知好多人都反對食翅，我個人都唔鐘意食，但當晚的火瞳翅真係好正湯底好清，但味很濃，翅身當然是非常足料。全晚最正要數到呢隻野生老鼠斑，蒸得火候啱啱好，師傅沒有辜負這個條魚。平時宴會食到魚，好多人都開始唔食，但呢條魚個個爭住食，好快食完。其餘炸子雞、干燒伊麵等等都屬正常水平。但幾味精品中菜做得好，已教人對這一餐回味無窮。飽到不行。還有壽包只好打包回家，明天做早餐。