街頭火鍋

營業中

休息中

今日同班舊同事食飯，就嚟咗呢一間餐廳！估唔到食物質素都幾好，而且人流都幾旺，我都忍唔住想介紹俾大家啊୧😆وQ:叫咗咩湯底啊？👧🏻我哋差唔多八個人，所以就叫咗一個雙拼嘅湯底，有辣有唔辣，真係任君選擇㗎 ！左邊嗰款就係台式麻辣新鮮雞紅冰豆腐湯，右邊個款就係胡椒豬肚鮮粉腸。我自己就比較鍾意胡椒豬肚粉腸湯底！因為未煮之前仲可以飲啖湯潤吓喉先！Q: 邊啲食物你哋覺得值得推介？👧🏻我哋都食咗好幾樣嘢，不過主要都想推介大家食刁鑽豬腳筋、頂級蟹棒同埋雜菇拼盤！原因1️⃣係因為豬腳筋唔係度度有！呢度有梗係要好好把握！食落口好有韌勁可以慢慢咀嚼！原因2️⃣係因為呢度嘅蟹棒唔會好容易散開！而且食落口真係有一浸鮮味，所以超推介大家叫黎試吓！原因3️⃣最主要你嘅目的都係因為呢個雜菇拼盤！我唔知有冇人同我一樣都勁鍾意食菇類，但係好多時餐廳指會得一兩款菇類俾大家選擇，但係呢度有幾款可以俾大家一次過食晒真係好爽！整體嚟講，我覺得無論係價錢、食物定係職員態度方面都係CP值勁高！如果大家好多人一齊嚟呢度食飯嘅話，超級建議叫呢個牛王莫六盛合🤫因為一定夠飽！入邊嘅金錢展同埋牛胸爽真係勁好味❤️