麵館皇

營業中

休息中

天氣有點轉涼，當然想食熱辣辣既野食啦，但又唔想打邊邊咁heavy, 朋友介紹黎食麵。呢度出名食刀削麵，二話不說整返鍋先啦，遠遠已經聞到既藥善味，襯埋刀削麵既獨特口感，厚薄不一既人手刀削，暖到入胃實在係窩心。旁邊仲有麻辣口水雞，唔只辣油咁簡單，係有埋花椒粒既麻辣，襯上嫩滑既雞肉，辣味更加湧入心。另一鍋係手擀麵鍋，都係超勁藥善香味，手擀麵薄薄又滑，比河粉更滑，但又寬寬的。牛腩肉與脂肪比例六四，所以食落係超滑，但罪惡感頗大。牛腩份量食極都仲有，啖啖肉又啖啖脂肪，罪過罪過。除左兩鍋麵，仲有份雞絲粉皮，雞絲條條分明而爽，滲透著青瓜絲既青綠味，最緊要係粉皮精瑩通透，口感比啫喱更滑溜。配以麻醬就合晒河車，加上一杯豆漿就更襯味了。