影片
更多
2018-10-18
51 瀏覽
繼續寫寫burger。我唔係蒲人，好少踏足中環蘭桂芳，更莫講話日頭去。今次去當然為左食，「Burger Bar」開係蘭桂芳都啱嘅，就如附近翠華一樣，飲酒之餘都要食下嘢。Burger Bar地方比較細，呈窄長型，座位都係高枱椅為主，坐近門口感覺冇咁侷促。食品款式走貴精不貴多路線，burger不出十款，有牛有魚有雞亦有素，任君選擇。一望menu已被流心芝士漢堡（$115）個名吸引，芝士喎，仲要流心添。由於係即叫即煎，所以要預等一陣。一上枱，賣相好靚，麵包唔係塌左軟軟腍腍，而係好挺身，好圓好脹卜卜，被溶芝士包裹的漢堡扒面積唔大，但都好厚身，生菜又綠又大塊。咁厚的burger當然一口咬唔到，幾乎要逐層咬。包係挺身但夠鬆軟，面頭仲有粒粒芝麻加添香口。漢堡扒係用美國安格斯牛人手製造，咬落腍中帶一點彈性，牛味濃，亦juicy，車打芝士雖然都多，但冇咩流心效果，味道亦唔算濃，只屬一般。底層有少少炒洋蔥，甜甜地幾好食。再來叫點小吃。聽聞呢度的炸魷魚（$55）係必食推介，此言非虛，一小籃的魷魚炸得金黃，粉漿下得不多，但調味足，夠鹹香，魷魚爽脆彈牙，加上熱辣辣新鮮炸起，最適宜配杯啤酒慢慢食。有burger不
我唔係蒲人，好少踏足中環蘭桂芳，更莫講話日頭去。
今次去當然為左食，「Burger Bar」開係蘭桂芳都啱嘅，就如附近翠華一樣，飲酒之餘都要食下嘢。Burger Bar地方比較細，呈窄長型，座位都係高枱椅為主，坐近門口感覺冇咁侷促。
食品款式走貴精不貴多路線，burger不出十款，有牛有魚有雞亦有素，任君選擇。一望menu已被流心芝士漢堡（$115）個名吸引，芝士喎，仲要流心添。由於係即叫即煎，所以要預等一陣。一上枱，賣相好靚，麵包唔係塌左軟軟腍腍，而係好挺身，好圓好脹卜卜，被溶芝士包裹的漢堡扒面積唔大，但都好厚身，生菜又綠又大塊。咁厚的burger當然一口咬唔到，幾乎要逐層咬。包係挺身但夠鬆軟，面頭仲有粒粒芝麻加添香口。漢堡扒係用美國安格斯牛人手製造，咬落腍中帶一點彈性，牛味濃，亦juicy，車打芝士雖然都多，但冇咩流心效果，味道亦唔算濃，只屬一般。底層有少少炒洋蔥，甜甜地幾好食。
再來叫點小吃。聽聞呢度的炸魷魚（$55）係必食推介，此言非虛，一小籃的魷魚炸得金黃，粉漿下得不多，但調味足，夠鹹香，魷魚爽脆彈牙，加上熱辣辣新鮮炸起，最適宜配杯啤酒慢慢食。
有burger不能冇薯條，食burger可以用優惠價食。點左半份芝士粉薯條（$22），分量唔會好多，啱啱好，芝士粉落得雖然多，但味道好淡，好似除左芝士粉以外就冇落鹽調味咁，要靠茄汁增味，雖然夠晒熱，薯條都炸得火喉剛好，外脆內軟，但都要扣分。
整體來說，味道係不俗，但唔係有深刻印象果種。值得一讚嘅係，呢度有提供膠手套畀大家，雖然唔環保，但最少唔會食到成手都係咁狼狽咁論盡，乾手淨腳。
張貼
