吉壽日本料理 (已結業)

每次係旺角諗唔到食咩，行行下就會去左食放題。今次諗去吉壽，呢度十分就腳，就係正港鐵站口就係。兩人食關係，款款都想食之下，今次策略係貴精不貴多。頭炮當然係刺身!🤣三文魚，油甘魚都係厚切上，好肥美。甜蝦，赤海蝦，帶子等等叫幾多上幾多，都幾公道。而且幾款都新鮮，不錯。見到有海膽手卷，忍不住每人叫了一隻，餐廳體貼，手卷是迷你size,等大家都唔怕飯太飽肚，紫菜又夠脆卜卜，加分!這時候見到好多小炒都有得嗌，點左炒聖子。炒得好香口，聖子又洗得乾淨無沙，抵食!之後又點少得炸物。芝麻雞翼炸得出色，香口又薄皮。炸物仲有一樣係必食既，就係榴槤波波，濃香榴槤味真係有d想encore.炒牛柳粒送汽水啤酒，係同friend子吹水必備。有咬口又煙韌。除左榴槤波波好食，呢個炸360牛乳都堅好食，甜而不膩。串燒都係呢度拿手食物，新鮮生蝦不錯。串燒牛舌同樣是吹水必備之一。燒菠蘿係另一必嗌之選，完美平衡解熱氣之燒物。怕食得多生冷野既朋友仔補番個蟹粥，真係一流，暖暖個胃，非常舒服。甜品方面，其實有非常多選擇，雪糕，蛋糕啫，喱，西瓜全都有，但真係超飽。所以選擇左呢個輕盈豆腐花過過口癮就算。完。