大紅袍火鍋料理 (已結業)

新曆年前約咗幾個朋友一齊打邊爐，我哋去開尖沙咀嗰間大紅袍，貪嗰度近公司放工方便，今日嚟試吓北角店，大紅袍食物一向唔錯，基本上求其叫都唔會伏，但係北角店服務質素就同尖沙咀店爭好遠，夥計態度認真麻麻地，第二次問佢攞芫荽居然仲話俾我哋聽冇，但係人哋嗰張枱就有，啲聲氣亦都好差下，點解同一間公司，啲服務可以差咁遠，真係好難理解，尖沙咀嗰邊啲人Nice好多，冇質素好九條街，以後都係過返嗰邊食，唔使俾錢仲要受人氣。