華記小廚 (已搬遷) 新店位置

同事每月都會有一次聚餐，今次我介紹距地來E度試下，價錢平，出品又ok。因提前訂左檯，所以唔使等位，去到就可以坐低。叫左酸菜魚同毛血旺，酸菜魚因照顧其實兩個不能太辣的同事，所以叫小辣，毛血旺就大辣了。酸菜桂花魚，魚片好滑，有酸菜絲，同竹筍片，好惹味啊。份量都多，所以一定係多人食會抵，可以叫多幾個菜。毛血旺一上檯就好搶手，裡面材料好多，芽菜，豬紅，豬大腸，肥牛，豬頸肉，青瓜好多嘢，我地另外加左薯粉加底，覺得薯粉真係好好食，有口感。另外仲有姜聰田雞煲，干煸法國長豆，BB乳鴿，椒鹽豆腐拼牛仔骨，三杯雞…因為後來掛住傾計同食食食，所以無再影相了，哈哈，滿意的一次聚餐！