茶匠

營業中

休息中

以前喺成日喺荔枝角店買佢哋嘅芋頭芝士奶，經過石門見到開咗咁就緊係要支持啦！點知去到個店員喺收銀食緊飯睇緊片，以為都會繼續接單。咁我企埋去唔催佢但佢當見我唔到，我咪叫一聲唔該點知佢大力扔低筷子，一句嘢都無講，完全無問要飲咩幾錢咁，但我都係照落咗單，期間都係照講thank you之後等緊佢沖嘢仲當面寫塊「食飯中」嘅黑板仔擺出嚟，沖完嘢飲又係一句都唔講就大力擺喺櫃檯早知我一開始就唔買啦，其實唔接客可以早啲出聲，早啲棟塊牌出嚟或者講聲唔好意思食飯時間唔接單，唔係要人睇店員大哥面色！今次叫咗芋頭鮮奶加芋圓，嘢飲味道覺得偏淡，芋圓偏淋。要飲茶匠我一定唔會再去石門店，貼錢睇人面色又無咁好飲，荔枝角店嘅職員係好nice 嘅，無下次。