汕頭澄海老四菜館 (已結業)

舊同學飯聚, 提議到九龍城 "汕頭澄海老四菜館"!因為佢之前食過, 覺得整體唔錯! 可能時間尚早, 未見擠逼情況, 大家坐低就由那位"經驗者"發版.我好喜歡鹵水拼盤, 因為可以同時試幾款, 拼盆有鹵蛋(因為早被朋友消滅, 所以消失於相中), 鵝片, 鵝腸, 大腸及豆腐. 這拼盤食物都鹵得很入味, 而大腸大細適中, 唔會過肥, 點醋更開胃!第一次試煎魚粿, 表面煎香, 同時內裡口感彈牙, 味道有點似魚蛋, 價錢唔太值.好多蠔仔好足料, 但略嫌煎得過火左, 變得硬硬咁!因為有欖菜, 再配上肉碎炒, 味道很香, 真係可以抵銷幾碗白飯.這種魚肉屬實肉, 所以通常用作煲湯, 煎為多, 這魚湯浸亦係不錯之選擇!魚麵配芹菜, 蝦仁, 芽菜一齊炒, 雖然簡簡單單, 但又幾唔錯!