意味館 (已結業)

夜晚同屋企人去咗朋友試過話好味嘅呢間新餐廳試吓, 聽講呢度星期六、日會好多人, 所以特登搵日平日嚟試, 果然坐得幾舒服. 佢哋啲裝修好整齊企理, 又有心思, 擺設都唔錯.我哋5個人叫咗好幾樣嘢share: 那些年瑞士汁雞翼、芝士忌廉焗扇貝、車打海鮮焗飯、法式香草燒羊架、芝士焗肉醬意粉、瑞士汁香茅煎豬扒同扒大蝦鮮蕃茄蓉天使麵.雖然啲嘢食要等一陣, 不過見到個賣相同個味道都幾好, 等一陣都無咩所謂嘅. 芝士忌廉焗扇貝好有鮮味幾正, 不過4隻唔夠我哋分…芝士焗肉醬意粉, 我唔食牛所以無試, 不過阿爸話幾好, 啲意粉煮得啱啱好, 有啲趙口，唔會發晒水，正!法式香草燒羊架, 我至愛, 有羊嘅香味又唔會話騷, 雖然細細件, 不過呢個價錢有咁嘅質素其實好抵食.扒大蝦鮮蕃茄蓉天使麵, 喺呢度食到天使麵其實有啲驚喜, 啲天使麵口感唔錯, 食到係一條條麵嘅感覺配埋鮮蕃茄蓉幾鍾意. 瑞士汁香茅煎豬扒, 啲豬扒幾好口感, 朋友之前試過話好味, 試過真係幾好.車打海鮮焗飯, 估唔到海鮮都有驚喜, 有青口, 大蝦又有鮮鱿, 真係幾抵食.那些年瑞士汁雞翼, 都ok幾好食嘅, 不過佢哋話要浸, 所以就等得耐咗啲…其實