越南牛肉粉專門店

營業中

休息中

之前係九龍灣成日食佢嘅魚露雞扒河粉味道好好，今次午餐轉menu後，係荔枝角食。味道同係九龍灣食嘅完全唔一樣。有d失望不過食物都還可以，只係冇以前咁好味雞扒擺盤散修修（平時擺得靚d），重要唔夠熱，似係放係到已一陣子，有人叫先攞俾客人。如果件雞扒再熱嘅話，味道一定好d。個河粉好似未係太入味，重有小小河粉嘅油味。之前係同湯汁溶入得好d嘅。個湯都可以熱小小。雖然整體落差有d大，但食物都未去到好難食嘅。都可接受，但最好做吓QC,做返以前個水準或九龍灣嘅水準。致於服務方面。有位侍應落單嘅時候都重係度打機…. 好似唔係咁好囉。