海天亞洲漁港 (已結業)

上星期與友人行山過後，來到灣仔海天打邊爐，因為懷念旺角的飲飽食醉也不過是 $150。估不到灣仔與旺角的待遇咁遠，首先是冇肥牛可點，亦冇混醬供應；但質素其實不錯。湯底要海底椰豬骨煲，跟著都係大路的火鍋配料︰如︰鮮牛肉、金菇、鯪魚滑、羊肉、雞件、鮮魷魚等，眾多配料中，丸類尤其出色，最回味是墨魚丸，夠彈牙，又有濃濃墨魚香；貢丸、爆醬豬肉丸、手打四寶丸通通超水準；反而餃不太行，餡偏少。今餐每人任飲啤酒、酸梅湯和芧根水都係 $104，都係遺憾在冇肥牛。