韓膳館 (已結業)

放工約好去睇戲但塞車趕吾切，決定落車再食呢間小店。星期三晚上客人不多，正好可以好好品嘗。三個人眼濶肚窄，叫左燉牛肋骨，豬手生菜包，部隊鍋，石頭飯，再加上韓式四小碟，滿滿一桌邊可能食得晒 牛肋骨上次食過番尋味，一定要再叫。豬手生菜包啲豬手好好味，係香港我食過3次韓式豬手，暫以呢間最好食。部隊鍋就無乜特別，間間味道都差吾多，一個字：辣。石鍋飯因為已經太飽，我只食左一啖，都幾香。值得一提係四小碟中的茄子甜豆好好味，尤其係甜豆，初初送到時見佢黑色一碟外觀完全吾討好無人想食佢，諗住吾好浪費就試一粒，估吾到又幾好食喎，用黎送碑酒一流！