極尚大喜屋 (加連威老道) (已結業)

掛住食影咗好少相添，聽我口述啦🤣🤣首先呢度座位真係好多，好多人黎食都絕對冇問題，座位都幾闊落，坐得幾舒服重點就係超級多嘢食，幾咁揀飲擇食嘅朋友都會揀到好多嘢食，我就梗係唔執輸，食啲貴嘅嘢先刺身款式好多，我最鍾意食三文魚，佢切得幾厚，感覺好肥美，食落都好鮮甜，八爪魚個質感超級正，幾爽口彈牙，甜蝦都好新鮮，幾可口。熟食方面我最鍾意蒲燒鰻魚，骨就有少少嘅，但係佢個醬汁好味道，啲鰻魚軟腍係香口，好鍾意，食咗三次雞軟骨都幾鍾意食，炸得好香脆，口感一流嘢飲就款式好多啦，仲有梅酒飲添！咁多間放題入邊我始終都係鍾意食呢一間，食物質素有保證，價錢都合理