影片
更多
2020-08-28
60 瀏覽
好耐都冇去過觀塘食嘢啦，今日喺附近行街，去到午餐時間當然要周圍睇吓有咩食啦！成日喺商場入邊搵嘢食都有啲悶，今日就決定行出商場，睇吓有咩西餐廳啱食，行行吓就比我發現有一間好特色嘅西餐廳，入邊嘅裝修真係好靚，餐牌好多選擇，重點係價錢一啲都唔貴！我同朋友兩個人就決定喺呢度食我哋嘅午餐啦！入到去未落單之前就已經有餐包，餐包嘅味道係出邊食唔到嘅，餐包入邊除咗有啲莓乾，仲有啲好特別嘅調味，我配埋橄欖油同埋黑醋食真係好開胃，呢度嘅服務態度真係好好，而且上菜速度都好快！我同朋友一人一個餐，另外在要咗杯雞尾酒，難得見面當然要輕鬆一下啦！好快就已經有得食，朋友嗰個係牛肉漢堡配炸薯條，而我嗰個就係肉眼扒配炸薯條！肉眼扒我係食七成嘅，佢依個啱啱好，同埋份量都幾足，我好欣賞佢嘅炸薯條，除咗係即叫即炸，仲係脆卜卜外脆內軟，肉眼扒肉汁豐富，而且唔難切，好容易入口，入口之後有好香嘅牛肉味，一啲都唔韌，食埋佢個薯條都好滿足！朋友嗰個牛肉漢堡我試咗少少，真係超級好食！份量比我想像中嘅多，而且好厚，牛肉嘅比例我好滿意，呢個牛肉漢堡係佢哋自家製嘅，入邊有芝士牛肉蕃茄生菜，一啖食晒咁多樣嘢口感好豐富，我係超級欣賞佢嘅牛肉，咬落
成日喺商場入邊搵嘢食都有啲悶，今日就決定行出商場，睇吓有咩西餐廳啱食，行行吓就比我發現有一間好特色嘅西餐廳，入邊嘅裝修真係好靚，餐牌好多選擇，重點係價錢一啲都唔貴！
我同朋友兩個人就決定喺呢度食我哋嘅午餐啦！
入到去未落單之前就已經有餐包，
餐包嘅味道係出邊食唔到嘅，餐包入邊除咗有啲莓乾，仲有啲好特別嘅調味，我配埋橄欖油同埋黑醋食真係好開胃，呢度嘅服務態度真係好好，而且上菜速度都好快！我同朋友一人一個餐，另外在要咗杯雞尾酒，難得見面當然要輕鬆一下啦！
好快就已經有得食，朋友嗰個係牛肉漢堡配炸薯條，而我嗰個就係肉眼扒配炸薯條！
肉眼扒我係食七成嘅，
佢依個啱啱好，同埋份量都幾足，
我好欣賞佢嘅炸薯條，除咗係即叫即炸，仲係脆卜卜外脆內軟，肉眼扒肉汁豐富，
而且唔難切，好容易入口，入口之後有好香嘅牛肉味，一啲都唔韌，食埋佢個薯條都好滿足！朋友嗰個牛肉漢堡我試咗少少，
真係超級好食！份量比我想像中嘅多，
而且好厚，牛肉嘅比例我好滿意，呢個牛肉漢堡係佢哋自家製嘅，入邊有芝士牛肉蕃茄生菜，
一啖食晒咁多樣嘢口感好豐富，我係超級欣賞佢嘅牛肉，咬落去真係好多肉汁，唔會係乾爭爭，真係好香，一試難忘！我哋一人一杯雞尾酒，兩款都係橙味嘅，朋友個杯係Aperol Spritz，
入邊仲有一塊鮮橙，呢個好容易入口，大大杯其實都幾抵飲，食炸薯條配一杯有氣嘅雞尾酒感覺真係唔錯！我個杯係Orange Bellinis，
入邊粒粒橙肉，飲得岀酒味，不過都好易入口，甜甜地唔會好苦，可以一試！
張貼
