芝加哥串燒 (美豐花園) (已結業)

<< Daily 豬仔尋食記🐖>>夜晚收工同朋友嚟到大埔，搵左間小酒吧，諗住嚟食下串燒，飲下啤酒，chill 下。揀咗呢間比較入嘅小酒吧，雖然環境有啲細，但係有高枱座下，都幾有feel，而且環境格調比較暗，好適合詳談，同飲番杯清涼嘅啤酒🍻我哋都叫咗啲串燒嚟食，例如燒鮑魚，燒帶子，燒扇貝，燒雞皮等等。質素都唔錯，食材都都幾新鮮，尤其是佢嘅海鮮，真係幾正，但係就嫌佢調味唔係好夠。同埋見到係得一個人做，可能做嘅時候就比較慢少少，不過如果同班frd係預咗一齊傾吓計 chill下，慢慢食，其實都幾好，幾悠閒，可以食耐啲，坐來啲，傾耐啲🥳佢哋好推薦佢哋嘅啤酒嘅啤酒，係佢哋嘅主打，我本身都唔係好飲酒，但係佢個Applecider ，有少少蘋果香味，啱晒啲少女飲，感覺都唔錯！然後再叫咗兩個主食，一個係燒春雞，一個係安格斯牛柳粒 加薯條拼盤，佢offer 咗兩個汁，一個係茄汁，一個係芥末蜜糖醬，都做得幾好，同個薯條好夾，同埋薯條炸得好香脆，係嗰隻曲嘅薯條，裏面嘅薯仔都好足。而燒春雞嘅肉，呢又唔太柴，安格斯牛柳嘅肉，就冇乜點調味，但係佢嘅肉質係好嘅，加上去上面有啲脆卜卜嘅脆