影片
更多
2023-05-14
693 瀏覽
餐廳隔離就係公園，再行出少少就係海濱長廊，想同毛孩吹住海風，一齊享受輕鬆又有好嘢食嘅時間，可以揀坐室外座位Weekend自己一個人嚟飲下咖啡，食下嘢，睇下書，空間又大，座位闊落，都幾chill幾舒服架👍🏻♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 燒美國頂級牛小扒配酸種麵包酥脆又鬆軟嘅酸種麵包上面鋪滿一排厚切鮮嫩嘅牛小扒，餐廳好細心咁用一層新鮮唔苦嘅火箭菜作隔層，避免啲汁落晒去個包度，而最上面嘅燒汁洋蔥煮到又腍又甜，做到畫龍點睛嘅效果😆❥ 溫泉蛋卡邦尼意大利粉配香脆巴馬火腿將溫泉蛋拮穿，同醬汁嘅混合，令到意大利粉口感更柔嫩，巴馬火腿嘅鹹香配搭埋醬汁嘅奶香，愈食愈上癮醬汁嘅濃度正正啱晒小編心意，正正係每條意粉都沾滿晒，食到碟底都唔會見到多餘嘅汁，好滿足😌❥ 脆炸魷魚圈唔好睇落好厚好大，以為炸皮好厚，其實係又薄又脆口，入面嘅魷魚就真係又鮮又厚，一咬就斷，而且炸皮同魷魚冇分離，作為下午茶/佐酒小食一流👍🏻❥ 美式班戟伴鮮雜果配蜂蜜焦糖漿吸睛嘅賣相，誘人嘅味道。鬆軟嘅4層班戟塔，沾滿甜蜜蜜嘅蜂蜜焦糖，再加上香蕉嘅甜、藍莓同士多啤梨嘅酸，一啖食
Weekend自己一個人嚟飲下咖啡，食下嘢，睇下書，空間又大，座位闊落，都幾chill幾舒服架👍🏻♥️
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
❥ 燒美國頂級牛小扒配酸種麵包
酥脆又鬆軟嘅酸種麵包上面鋪滿一排厚切鮮嫩嘅牛小扒，餐廳好細心咁用一層新鮮唔苦嘅火箭菜作隔層，避免啲汁落晒去個包度，而最上面嘅燒汁洋蔥煮到又腍又甜，做到畫龍點睛嘅效果😆
❥ 溫泉蛋卡邦尼意大利粉配香脆巴馬火腿
將溫泉蛋拮穿，同醬汁嘅混合，令到意大利粉口感更柔嫩，巴馬火腿嘅鹹香配搭埋醬汁嘅奶香，愈食愈上癮
醬汁嘅濃度正正啱晒小編心意，正正係每條意粉都沾滿晒，食到碟底都唔會見到多餘嘅汁，好滿足😌
❥ 脆炸魷魚圈
唔好睇落好厚好大，以為炸皮好厚，其實係又薄又脆口，入面嘅魷魚就真係又鮮又厚，一咬就斷，而且炸皮同魷魚冇分離，作為下午茶/佐酒小食一流👍🏻
❥ 美式班戟伴鮮雜果配蜂蜜焦糖漿
吸睛嘅賣相，誘人嘅味道。鬆軟嘅4層班戟塔，沾滿甜蜜蜜嘅蜂蜜焦糖，再加上香蕉嘅甜、藍莓同士多啤梨嘅酸，一啖食落去，味道平衡得好好，唔會好膩😋
❥ 檸檬蛋白撻
面層嘅蛋白稍稍燒到微焦，中間層就係厚厚嘅清新檸檬醬，清爽開胃😘
❥ 玫瑰拿鐵
玫瑰花形嘅拉花，加上玫瑰花瓣嘅點綴，每啖回甘嘅咖啡配合陣陣玫瑰香氣，成件事變得好瑰麗😊
❥ 紫薯鮮奶
Baby purple 嘅顏色，心心拉花，充滿紫薯味，好有少女心🫶🏻
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
張貼
