Lagom Kaffe (已結業)

奶油羅勒干貝意粉 ($128)人生裡頭曾經有半年時間居於瑞典，當時最想學習嘅價值觀就係lagom，意即做任何事都要剛剛好，由食事、家飾到工作、交友，不多不少的份量先可以逐漸將生活調整到最舒服的狀態。.於是係香港見到一間餐店叫做lagom，當然大有興趣！雖然用餐過程無乜感受到瑞典氣息（笑），但慶幸餐點很不錯～.意大利麵麵身偏硬，質感比一般spaghetti更粗身同有咬口，而且非常掛汁，合我口味。醬汁以橄欖油製成，羅勒氣味同味道突出，干貝有預先煎香，表面金黃而內裡保持半熟狀態，味道鮮甜，加上蟹籽做點綴，整體搭配出色(・▽・).❍ 用餐提示餐店空間相當闊落，有靠窗四人卡位，亦有大量一般餐枱，放置完畢仲有大把位剩～非常有空間感，加上落地玻璃窗令餐店好光猛，用餐體驗良好。.❍ 𝐭𝐨𝐝𝐚𝐲’𝐬 𝐨𝐫𝐝𝐞𝐫奶油羅勒干貝意粉 ($128)餐點味道 | ♥︎♥︎♥︎♥︎♥︎♥︎♥︎♥︎♥︎♡抵食指數 | ♥︎♥︎♥︎♥︎♥︎♥︎♥︎♡♡♡店舖環境 | ♥︎♥︎♥︎♥︎♥︎♥︎♥︎♥︎♥︎♡用餐體驗 | ♥︎♥︎♥︎♥︎♥︎♥︎♥︎♥︎♡♡推薦程度 | ♥︎♥︎♥︎♥︎♥︎♥︎♥︎♥︎♡♡適合場景 | 四人或以下聚餐、嘆下午茶