NOC Coffee Co. (已結業)

由港島開到九龍嘅「NOC Coffee」，某啲分店有dine in，今日嚟到灣仔分店純粹午飯前飲杯咖啡醒神一下，順道朝聖。「NOC Coffee」灣仔店定位相信係grab & go，嚟到嘅客人都係簡單外帶咖啡就走，畢竟店面好細，座位十個內，開放式設計，如果想慢慢歎咖啡，呢度絕對唔適合。Flat white / Latte ($90 in total)••••••睇返menu，店員好似收多左錢，兩杯regular應該係$80? 定係內用有extra charge? Anyway，咖啡用紙杯送上，第一個感覺係好細杯，杯入面嘅咖啡只係細紙杯嘅7成滿，定價頗高，令人對成品有更高期待。flat white合理地奶泡淺，但就飲唔出應有牛奶嘅重質感，以及順滑感。Latte同樣平淡。拉花、奶泡色澤幾靚，兩杯都揀左fruity，果味，唔酸，入口咖啡較淡，無乜after taste，亦無乜記憶點。以專賣咖啡嚟講，會期望表現得更好。呢個價位，係灣仔絕對有更好選擇。