影片
更多
2018-08-24
50 瀏覽
中環覓食, 選擇真係非常之多. 蘇豪, IFC, 威靈頓街…, 每個地方都聚集咗唔少高質素嘅餐廳.今日就嚟到S2 Kitchen ! 之前一直聽朋友講話呢間餐廳用料新鮮不特止, 仲出手闊綽, 今次食完之後真係覺得朋友無誇張!!!!!首先我哋叫咗個十層海膽杯, 剩係呢個海膽杯都已經用料十足. 雖然隻杯就唔係話好大隻, 係香檳杯咁嘅size, 不過入面D餡就好豐富, 有北海道海膽, 沖繩海葡萄, 藍鯨拖羅蓉, 三文魚子, 白蝦, 松葉蟹肉, 最底仲有D海橾.每款刺身都用料新鮮, 海葡萄咸咸地, 脆卜卜咁, 感覺幾得意. 北海道海膽分上中下三層佈滿隻杯嘅不同位置, 對於海膽控嘅我嚟講, 真係睇見都心心眼.咪睇佢杯仔細細, 份量真係多, 兩個人share食, 完全唔會覺得唔夠食, 大家都好滿足.食完個海膽杯, 我哋又叫咗個海膽燒岩蠔. 有殼岩蠔上面鋪咗個白汁, 再燒至表面金黃色, 上面鋪上海膽同蟹子.岩蠔其實都有半隻手掌咁大隻, 本身想一啖放入口, 但實在大得滯, 唯有分開食. 蠔肉肥美, 入口啖啖肉, 而且滑溜. 海水味雖然唔算重, 不過配合埋海膽嘅鮮味, 味道又幾夾, 仲有最上層脆卜卜嘅
今日就嚟到S2 Kitchen ! 之前一直聽朋友講話呢間餐廳用料新鮮不特止, 仲出手闊綽, 今次食完之後真係覺得朋友無誇張!!!!!
首先我哋叫咗個十層海膽杯, 剩係呢個海膽杯都已經用料十足.
雖然隻杯就唔係話好大隻, 係香檳杯咁嘅size, 不過入面D餡就好豐富, 有北海道海膽, 沖繩海葡萄, 藍鯨拖羅蓉, 三文魚子, 白蝦, 松葉蟹肉, 最底仲有D海橾.
每款刺身都用料新鮮, 海葡萄咸咸地, 脆卜卜咁, 感覺幾得意. 北海道海膽分上中下三層佈滿隻杯嘅不同位置, 對於海膽控嘅我嚟講, 真係睇見都心心眼.
咪睇佢杯仔細細, 份量真係多, 兩個人share食, 完全唔會覺得唔夠食, 大家都好滿足.
食完個海膽杯, 我哋又叫咗個海膽燒岩蠔. 有殼岩蠔上面鋪咗個白汁, 再燒至表面金黃色, 上面鋪上海膽同蟹子.
岩蠔其實都有半隻手掌咁大隻, 本身想一啖放入口, 但實在大得滯, 唯有分開食. 蠔肉肥美, 入口啖啖肉, 而且滑溜. 海水味雖然唔算重, 不過配合埋海膽嘅鮮味, 味道又幾夾, 仲有最上層脆卜卜嘅蟹子, 令到成個燒岩蠔口感層次好豐富.
燒雞翼, 我自細鐘意食, 燒鮑魚雞翼, 就真係人生第一次食. 一見到佢上枱就真係非常興奮喇~!! 雞翼外層燒到微焦金黃, 入面釀 咗一隻細鮑魚仔. 講真我又無諗過雞翼同鮑魚可以夾埋一齊, 雞翼唔知係咪刻意醃咸少少, 配合番清清地嘅鮑魚, 估唔到又唔錯wo!
兩隻為食積, 兩款燒物同一個海膽杯又點夠食, 我哋仲叫咗個飽肚D嘅卷物.
Order咗個火焰卷, 我本身以為只係壽司上面嘅芝士有D火灸, 因此有個咁嘅名, 但原來並唔係咁簡單架! 上枱時侍應幫你會點火架, 我哋即刻拎相機出嚟捕捉, 個侍應仲好nice, 問我哋影唔影到, 影唔到可以再點火多一次! 講番個火焰卷, 雖然壽司餡料係蟹柳同玉子蛋, 唔算好特別, 但又係每一件壽司上面都有份量不少嘅海膽, 再加埋火灸芝士同蟹子, 真係好豐富. 其實我開始懷疑餐廳係咪有辦法入到平靚正嘅海膽, 如果唔係點解每一道菜D海膽都多到唔駛錢咁, 出手好闊綽?!!
最後唔食甜品又點得, 既然成晚都係海膽, 唔差在食埋海膽雪糕. 我都係人生第一次食海膽雪糕, 估唔到又係一堆海膽係雪糕上面! 初頭我以為係雲尼拿雪糕, 點知食落咸咸地嘅?! 細看之下原來海謄都係mix 咗入雪糕入面, 完全融為一體!!! 雖然我估唔到個甜品雪糕係咸咸地, 但感覺都幾特別 !!
食完呢餐飯, 對我呢個海膽控 嚟講真係大滿足, 同時間又懷疑自己今晚係咪膽固醇超標!!!
張貼
