富臨酒家

營業中

休息中

街坊酒樓，食物唔算貴，味道自然正正常常，不過得以嘅係我覺得好食嘅餸，同行朋友覺得唔好食，我覺得麻麻地嘅，同行又覺得好食。清蒸大閘蟹（$68隻）又到大閘蟹季節，見到酒樓有賣，今年又未食過就試下。約3兩細蟹，三個人食叫了3隻，黎得兩份食蟹工具和醋，要叫侍應拎多把剪刀。滿心期待，可惜我的蟹膏唔算多，唔香，而且有少少苦，有啲失望。不過同行就話佢嗰隻蟹唔錯。杏汁燉白肺份量多，雖然寫4人份量，但應該有超過8小碗。我覺得幾好飲，不過同行朋友話豬肺麻麻。蜜椒脆鱔球調味調得幾好，炸得都好香脆，就係鱔唔夠。肥美，同行友人話有啲腥。紅燒花膠豆腐食完頭三樣唔夠飽，原本想叫特價龍蝦配伊麵，但侍應話大閘蟹已經特價咗冇得再叫，咁唯有叫第二樣紅燒花膠豆腐。豆腐份量足，相比之下花膠就自然顯得少和細舊，不過味道我幾鍾意。橎桃大壽包冇人生日，不過就係想食。壽包幾大個，蓮蓉都多，入面仲有半隻細咸蛋黃。朋行友人話咸蛋黃小，唔太好咸蛋黃嘅我就覺得啱啱好。