影片
更多
2021-05-01
394 瀏覽
👍🏻All day breakfast 呢個全日早餐係與別不同，包括左火箭菜沙律、咖喱餡餅、汁燒茄子、煙肉、牛油果、牛油多士配流心蛋。每一樣都非常新鮮，連煙肉都唔會煎得太過油膩。咖喱餡餅香脆可口，唔會乾身，裏面咖喱打成蓉狀甜甜地。汁燒茄子多汁厚厚兩片超惹味。呢盆全日早餐真係色香味俱全！👍🏻Smoked salmon egg benedict 流心效果做到恰到好處，蛋黃漿源源不絕。多士塗咗牛油再焗香，再配上一啲都唔鹹嘅煙三文魚，真係垂涎三尺。👍🏻Passionfruit mango ice tea （芒果同百香果真係絕配）入口清新，唔會太甜，冰冰涼涼好啱解渴。餐廳仲會利用一個小嘅藤籃杯墊，避免左張枱會濕漉漉。👍🏻Green tea latte拉花好靚，奶味和抹茶的比例剛剛好，全杯飲品唔會飲到苦澀，亦都唔會太甜。奶味好香，好滑，飲落去成個口感好順滑。👍🏻Sakura mille feuille 期間限定，拿破崙口感鬆脆，塗上薄薄嘅蜜糖，食落帶有少少焦糖嘅味道。拿破崙層次分明，中間夾住嘅吉士醬同櫻花醬非常澎湃，兩者都非常軟滑，底部配上酸酸甜甜嘅果肉，中和返蛋糕嘅甜膩。👍🏻Pineapple
👍🏻All day breakfast
呢個全日早餐係與別不同，包括左火箭菜沙律、咖喱餡餅、汁燒茄子、煙肉、牛油果、牛油多士配流心蛋。
每一樣都非常新鮮，連煙肉都唔會煎得太過油膩。咖喱餡餅香脆可口，唔會乾身，裏面咖喱打成蓉狀甜甜地。汁燒茄子多汁厚厚兩片超惹味。呢盆全日早餐真係色香味俱全！
👍🏻Smoked salmon egg benedict
流心效果做到恰到好處，蛋黃漿源源不絕。多士塗咗牛油再焗香，再配上一啲都唔鹹嘅煙三文魚，真係垂涎三尺。
👍🏻Passionfruit mango ice tea
（芒果同百香果真係絕配）入口清新，唔會太甜，冰冰涼涼好啱解渴。餐廳仲會利用一個小嘅藤籃杯墊，避免左張枱會濕漉漉。
👍🏻Green tea latte
拉花好靚，奶味和抹茶的比例剛剛好，全杯飲品唔會飲到苦澀，亦都唔會太甜。奶味好香，好滑，飲落去成個口感好順滑。
👍🏻Sakura mille feuille
期間限定，拿破崙口感鬆脆，塗上薄薄嘅蜜糖，食落帶有少少焦糖嘅味道。拿破崙層次分明，中間夾住嘅吉士醬同櫻花醬非常澎湃，兩者都非常軟滑，底部配上酸酸甜甜嘅果肉，中和返蛋糕嘅甜膩。
👍🏻Pineapple with earl grey cream cake
另一款期間限定，菠蘿酸酸甜甜配上伯爵嘅芳香又係一個好好嘅配搭，忌廉蛋糕口感鬆軟。蛋糕首層用咗原片菠蘿，第三層亦都有粒粒菠蘿。（明明菠蘿係一個多汁水果，但整件蛋糕唔會覺得特別濕，好值得一試）
👍🏻👍🏻飲品選用紙飲筒相對環保一啲
👍🏻👍🏻仲有新鮮焗烤既麵包同曲奇可以外賣
💡餐廳亦都有賣母親節限定蛋糕同撻點，蛋糕更加有四個尺寸俾你選擇！有興趣記住提早預訂，價錢$320 - 860
張貼
