最掂燒味 (已結業)

長沙灣多隱世美食大家吃貨應該都知，不過今次唔係介紹café,而係香港人食開既燒味。同一般既燒味鋪大相逕庭，不但乾淨既鋪面，裝飾亦有酒樓feel，伙記都好親切，同你推介。我地二人就叫左一碟最掂四寶飯、燒鴨飯加左碟油菜，每一個飯仲會跟一個中湯、餣左既青瓜同蘿蔔，零捨開胃。叉燒沒有落色素是我最欣賞的，用青木瓜汁餣左再燒，老人家成日話成多燒味唔好因為色素多，不過係呢度食就唔會有呢個問題。另外燒腩仔燒得好香脆，肥瘦分明；而雞肉都嫩滑。另外個燒鴨皮燒得幾脆，味道適中，送飯一流；個中湯清甜，南瓜味好出，一口燒味飯一口湯。推薦大家不妨一試，去到長沙灣唔止高質café仲有燒味。