養心殿台式養生鍋 (已結業)

成日聽朋友講養心殿好食，所以特登諗住同老公去試下有幾好食。去到職員安排左卡位俾我哋，都幾有私人空間，張枱又夠大放食物。我哋諗左好耐揀邊款湯底，最後見到美人鍋嗰度寫住「女人養顏至寶」，一於就呢個啦！個湯底一嚟到我嘩咗一聲，真係成隻烏雞係入面，仲有好多我好鍾意嘅桃膠，個湯一滾起我就飲咗起碼三碗，係三碗！連我老公都話好好味好清甜！其他食材我哋叫咗極上雪花肥牛，一卷卷好精緻，仲有餃子拼盤，每款有兩粒，同老公share啱晒，其中有一個係自家製麻辣牛肉餃真係要讚！好特別好彈牙！魚皮餃都好味個皮好滑！另外仲叫咗鴨血，口感一流，真係好似喺台灣打邊爐食果啲咁。平時我打邊爐一定會叫響鈴，但聽朋友講呢度嘅老油條好好食，咁就叫咗一碟試吓啦，真係脆到呢！好味呀！