快靚正燒味粉麵茶餐廳 (已結業)

平時經過見到好多人排隊買野斬料，所以今晚都決定去試下。 西九龍天橋一落就會見到大大隻字「快、靚、正」，樓面乾淨衛生，食得放心。我哋叫咗隻招牌燒鴨、隻油雞、燒腩、蜜汁叉燒，都係四百蚊左右，唔掛得之咁多街坊幫趁。燒腩比普通燒肉肥美，如果唔怕肥嘅，不妨一試！至於燒鴨，即使係由買去到開嚟食已經隔咗2個鍾，層鴨皮食落仲係脆卜卜。隻鴨唔算好肥，連皮食都唔會好有罪惡感！鴨肉軟嫰juicy ,完全冇鴨膻味，唔會差過連鎖燒味店！叉燒同油雞不過不失。見到仲有堂食添，下次都可以試下。