點‧粵 (已結業)

隔左一排無食又掛住禮記嘅脆麵今晚趁媽媽無煮飯一齊去食去到發現原來改左名叫點。粵裝潢服務不變但價錢就優惠左同餐牌多左選擇🤭🤭好彩招牌菜不變！銀芽肉絲飛天脆麵今次好似再高左😂炸得香香脆脆嘅脆麵配上銀芽肉絲醬汁真係好開胃我最愛！錦鹵雲吞又一樣炸點同樣香脆仲有成八件雲吞咁多添我最欣賞佢個酸甜醬汁酸甜度平衡額外用黎送飯都得鴻運脆皮雞呢個脆皮雞又係正雞肉嫩滑入味切法令到肉多骨少好滋味！金沙大海蝦鹹蛋黃醬形成金黃外層但佢唔會有粗糙粒粒蛋黃幼滑海蝦有八隻又係抵食侍應介紹早市同樣有點心食改名應該係為左有新鮮感吧