La Famille (已結業)

呢一間戚風蛋糕甜品店可以喺好多地方都搵到，價錢唔貴，蛋糕雖然細細件，但係啱晒兩個人一齊share！今日叫咗一個雜莓味（本身真係好想試朱古力，不過去到已經售罄），就咁講個外型，都幾精緻。先講一講佢嘅戚風蛋糕，我覺得要先擺喺室溫一段時間再食，個蛋糕底會再鬆軟啲，同時間個蛋糕嘅味道好淡，無咩莓味。然後到蛋糕嘅內在部份，都有少少失望，因為無餡，只靠小小cream去為個蛋糕調味。另外面頭嘅水果就更加好睇唔好食了。雖然都有好多人比好評，但我覺得真係名大於實～但佢勝在好多味道，睇吓有冇機會試吓其他味道再品評一下啦。