小南國 (已結業)

我唔知其他小南國名下既餐館係咪都係一樣.....咁不知所為!!服務態度一般都算喇,被安排坐喺門口右手邊嗰啲房內,但係又唔係成日有侍應喺附近,次次都要我地自己行到老連咁遠去搵人返嚟落單,加茶.....啲食物質數亦唔見得我地要接受呢啲咁既服務囉,打電話留枱嗰陣,問嗰知客有咩菜要預訂,佢隨口'up'左十幾款出嚟(唔使咁多菜要預訂下話!!??!!??!!).好啦,喺自己聽得唔清唔楚下終於留左隻'富貴雞'(都係自己衰...) --- 試過之後真係x家富貴囉---雞肉'鞋霎霎';塞係隻雞肚入面嗰啲全部都係平價料--金針,雲耳,梅菜等等等(已經唔係好記得,因為嗰陣好慶!),仲要成差唔多二百蚊一隻--價錢就富貴,質素就'乞兒'囉!!再者,招牌菜小籠包係微暖既(兩籠都係),間房啲冷氣就開到好似喺殮房咁.....經此一役,我地一家六口唔會對呢個字號再有任何信心囉...