名家韓國餐廳 (元宮閣)

營業中

休息中

天氣涼，除了煲仔飯，另一選擇就係食韓式既石窩飯。是日太古遊，就黎左呢間食午市既石窩飯。食飯之前，都係一堆前菜，兩個人黎左八小碟，午市食定食都有八小碟，的確係幾唔錯，不過款款都中規中矩，無話邊款係特別難忘。飯方便，一個係泡菜牛肉石窩飯，一個係海鮮石窩飯，好多時食石頭窩飯，店員都會出手撈，可能午市關係，店員都無出手，我喜歡有點焦，就無乜特別撈，可以多點飯焦吧。牛肉係肉碎關係唔係幾見食，泡菜就偏向辛口。另一個海鮮，只有魷魚，小蝦小蜆幾隻，原來咁就係海鮮。兩款方面餸都係一般般，唯一好的話就係食哂個飯個窩都仲係好熱下。仲有個湯，反而幾唔錯，至少夠清甜。七十多蚊，食左個石頭窩飯。