影片
更多
2021-01-06
3053 瀏覽
講起星馬，除左會諗起肉骨茶、咖央多之外，喇沙湯麵都係一樣必食既菜色。係鰂魚涌一小區入面，就有一間非常高質既星馬菜餐廳。餐廳由2018年開業至今，由兩夫婦Kelvin同太太經營，Kelvin係名廚兼深灣遊艇會前行政總廚 Harlan Goldstein既徒弟，做過7年助手，入行已有30年，係多間酒店同私人會所任職，經驗豐富，菜色亦心得星馬富豪喜歡，所以老闆兼大廚既佢堅持就算係小店都要做返以前酒店同遊艇會既水準。餐廳主打既係連居港新加坡人都愛不釋手既螄蚶蝦湯喇沙，湯底足料湯底喇沙湯重味，除左招牌喇沙之外都有提供肉骨茶、海南雞等既熱門菜色。-排隊🧍🧍🧍當日係星期日，大概一點鐘，排隊前面大概有4個人，入面既2人應該full哂，但佢門口有個1人位，當時我一個人去所以無點等就入到。❗餐廳只做午市，星期六唔開，所以要睇住時間唔好摸門釘。-環境🪑有5張4人枱同埋近門口有一個1人位。不過呢間小店D位同走廊都幾逼下，而我坐個個單人位係正門口，會有D唔舒服因為店員會出出入入出外賣或者比飛食客，同埋menu、外賣用具同計數機都係擺呢個單人位張枱上面，食食下會羅張MENU睇同計數，有D唔係咁舒服。-1️⃣ 招牌娘惹
講起星馬，除左會諗起肉骨茶、咖央多之外，喇沙湯麵都係一樣必食既菜色。
係鰂魚涌一小區入面，就有一間非常高質既星馬菜餐廳。餐廳由2018年開業至今，由兩夫婦Kelvin同太太經營，Kelvin係名廚兼深灣遊艇會前行政總廚 Harlan Goldstein既徒弟，做過7年助手，入行已有30年，係多間酒店同私人會所任職，經驗豐富，菜色亦心得星馬富豪喜歡，所以老闆兼大廚既佢堅持就算係小店都要做返以前酒店同遊艇會既水準。
餐廳主打既係連居港新加坡人都愛不釋手既螄蚶蝦湯喇沙，湯底足料湯底喇沙湯重味，除左招牌喇沙之外都有提供肉骨茶、海南雞等既熱門菜色。
-
排隊🧍🧍🧍
當日係星期日，大概一點鐘，排隊前面大概有4個人，入面既2人應該full哂，但佢門口有個1人位，當時我一個人去所以無點等就入到。
❗餐廳只做午市，星期六唔開，所以要睇住時間唔好摸門釘。
-
環境🪑
有5張4人枱同埋近門口有一個1人位。不過呢間小店D位同走廊都幾逼下，而我坐個個單人位係正門口，會有D唔舒服因為店員會出出入入出外賣或者比飛食客，同埋menu、外賣用具同計數機都係擺呢個單人位張枱上面，食食下會羅張MENU睇同計數，有D唔係咁舒服。
-
1️⃣ 招牌娘惹海蝦喇沙💰70（👅: 9/10）
招牌娘惹海蝦喇沙
$70
39 瀏覽
3 讚好
0 留言
非常足料，有海蝦、魚片、豆卜、芽菜、豆苗、半隻蛋，仲有比較少見嘅獅蚶。
因為獅蚶唔係個個人都食，order前可以要求走獅蚶。
招牌娘惹海蝦喇沙
$70
30 瀏覽
3 讚好
0 留言
海鮮既份量絕對係慷慨，海蝦有3隻，連殼大隻，新鮮彈牙，咬落去係厚肉結實，但又唔會無蝦味。
店鋪好細心會提供張紙比大家擺蝦殼。
招牌娘惹海蝦喇沙
$70
46 瀏覽
3 讚好
0 留言
而獅蚶係泰國螄蚶，好多餐廳會因為處理工序繁複而唔落螄蚶，獅蚶係半邊殼，人手搣走半邊殼，方便客人進食，同樣有3隻，食落好爽甜，有海水鹹香，但唔會覺得有半點腥味。
魚片同樣彈牙，豆卜索哂喇沙湯既精華，豆苗同芽菜就好爽口。
招牌娘惹海蝦喇沙
$70
38 瀏覽
2 讚好
0 留言
湯底係用咖喱膏、喇沙葉、南薑、椰糖、大紅椒、黃薑粉、石栗等10幾款材，
打碎混合之後，用人手炒成喇沙膽，再用虎蝦頭蝦殼同白胡椒粒，用3至4小時熬製蝦湯，而蝦湯起碼有1/3係新鮮蝦肉，所以蝦既鮮味特別濃。最後將喇沙膽、蝦湯同椰奶結合，做出呢個鮮黃色喇沙湯，絕對係心機之作。
湯底外觀帶奶黃色，面層辣油唔多，只有小小紅油，咖喱味同埋蝦嘅鮮味都好重，而且真係會飲到獅蚶既味，而唔係喇沙同獅蚶分開，仲有會飲到椰子味。湯除咗又香又濃之外，質地仲好creamy，順口稠身奶滑，唔會覺得漿口黏膩，雖然咁豐富但係唔會話好鹹好口渴，係可以成碗飲晒嘅喇沙湯。
唯一有不足既就係可能迎合香港人既口味，喇沙湯唔夠辣，如果一心想食辣既喇沙既人會失望。
招牌娘惹海蝦喇沙
$70
21 瀏覽
2 讚好
0 留言
而麵底係正宗摻摻麵，米粉撈油麵，令食落去有兩種口感，有新鮮感唔會乏味。油麵質感煙韌彈牙，而米粉唔易斷，食落好掛湯，麵同湯好夾可以索哂D湯汁。
-
2️⃣ 山渣蘋果茶💰10跟餐價（👅: 7/10）
山渣蘋果茶
$10
32 瀏覽
2 讚好
0 留言
套餐會送無糖羅漢果茶，不過我就叫店員推介有咩好飲，最後就加左10蚊叫左呢個山渣蘋果茶。
非常養生下火，唔係死甜，飲落幾順口。
-
🌟暫時係香港食過最好食既喇沙，無論係湯底、麵條到海鮮、用料都係唔馬虎，70蚊黎講絕對係超值。係絕對值得山長水遠一試既喇沙，係環境比較狹窄，同埋只做午市。
-
👅味道: 9/10
🍴環境: 5.5/10
💰消費: 80 (服務費: NA)
張貼
