影片
更多
2018-04-17
443 瀏覽
被呢間位於灣仔嘅包店燒左無限次，是日過海不得不由銅鑼灣坐叮叮過黎搏一搏。實在聽過好多人到訪，但都試唔到呢度嘅出品，始終要等出爐，人氣太高，我都抱著白行嘅心而來。Bakehouse供應唔同款式嘅麵包，牛角包、鹹批、玉桂包、長麵包、曲奇等，可從玻璃窗見到製作過程。關於麵包店嘅背景就唔多講，對老闆嘅名氣、排頭都略知一二，難怪每日都有咁多人慕名而來。假日三點鐘黎到，見到條小人龍，約莫十人，但一問之下，原來佢地排緊堂食。我唔介意拎走食啊，哈哈，最終喺無人排嘅情況下買到剛出爐嘅牛角包，聽講錯過一輪又要等成個鐘，真係幸運。牛角包 $18以呢種名氣，都唔算高昂嘅價錢，就算係一般連鎖，甚至普通牛角包都要十零蚊，質素拍馬都追唔上。加上我今次冇經過排隊過程，加分不少。牛角包隻隻外型幾乎一樣，金黃冇燶底，摸落實淨，已經想像到起碼係鬆脆入口「咔嚓」一聲，已經好少食到咁脆嘅外層，內餡軟熟，既唔似食空氣，亦唔會太heavy，零油膩感。個人較為重口味，如果牛油味再濃郁啲更加正
Bakehouse供應唔同款式嘅麵包，牛角包、鹹批、玉桂包、長麵包、曲奇等，可從玻璃窗見到製作過程。關於麵包店嘅背景就唔多講，對老闆嘅名氣、排頭都略知一二，難怪每日都有咁多人慕名而來。
假日三點鐘黎到，見到條小人龍，約莫十人，但一問之下，原來佢地排緊堂食。我唔介意拎走食啊，哈哈，最終喺無人排嘅情況下買到剛出爐嘅牛角包，聽講錯過一輪又要等成個鐘，真係幸運。
牛角包 $18
以呢種名氣，都唔算高昂嘅價錢，就算係一般連鎖，甚至普通牛角包都要十零蚊，質素拍馬都追唔上。加上我今次冇經過排隊過程，加分不少。牛角包隻隻外型幾乎一樣，金黃冇燶底，摸落實淨，已經想像到起碼係鬆脆
入口「咔嚓」一聲，已經好少食到咁脆嘅外層，內餡軟熟，既唔似食空氣，亦唔會太heavy，零油膩感。
個人較為重口味，如果牛油味再濃郁啲更加正
張貼
