橘焱胡同燒肉夜食 (已結業)

又好耐未出黎食飯喇，同親羅賓漢先生，謝西卡小姐同牛仔女郞飯聚都會去食啲貴價講質素的餐廳，《胡同》過江龍台灣🇹🇼黎香港🇭🇰，仲要受歡迎到好難有位，羅賓漢就一早提前兩星期book枱喇，誓要試一下有幾出名。熊妹其實唔知食咩架，就係知道食燒肉同埋好出名囉。熊妹遲左到，8點黎到，羅賓漢先生已經叫哂食物，仲好，一黎到有得食。正喎，有專人黎燒，唔洗自己郁架，食殘廢餐咪貴在呢度囉。咩肉都叫左啲，和牛肋條（左下），豬脛肉（右下）同角切牛舌（右上）。每碟份量都唔係幾多，每款燒肉都腌製過，但味道宗全唔同，唔同腌法就帶出唔同肉唔同部位的真味，上碟後直接燒，燒完可以點啲檸檬汁，熊妹就比較喜歡原汁原味，價錢就$98-$178，都幾貴下架。和牛肋條肉好嫩，無骨的，牛舌好彈牙好有口感，豬脛肉薄薄的一片，剛剛好的下酒菜。謝西卡小姐要食點蔬菜，揀左粟米🌽同埋菇🍄，望上去以為生生地會無咩味，但燒完之後就咁食已經好鮮甜，可能因為夠新鮮，係食鮮味的。跟住仲有羊排同埋台灣墨魚咀腸。羊排幾好味喎，好有羊有味，少少騷味，燒黎食啲味道好出；墨魚咀腸都好唔錯，好彈牙，係出面食唔到呢款腸。最後羅賓漢先生叫左個頂級肋眼牛排🥩，表示好想好想食