S2 Kitchen (已搬遷) 新店位置

我好耐冇出過中環飲野, 今晚約左朋友復出飲野之前食番個NICE DINNER先!聽聞S2 Kitchen隱身於石板街巷仔, 去到門口真係有種係日本尋找隱世小店既感覺, 低調得黎有其風格。餐廳唔大, 係居酒屋格局, 半開放式廚房, 可近距離同師傅溝通交流, 有FEEL有FEEL。每枱都放左酒精同搓手液, 貼心。聽聞佢個海膽杯好出名, 事不宜遲即刻叫番個!S2 海膽杯賣相精緻, 用酒杯盛住層層食材, 牧丹蝦, 海膽, 魚子, 蟹肉,  三文魚子, 海葡萄, 拖羅魚茸, 青瓜等等~ 非常豐富, 食材新鮮, 海膽CREAMY, 好大塊, 擺入口勁滿足!!! 牧丹蝦新鮮黏口, 蟹肉鮮甜, 三文魚子同海葡萄增添鮮味, 可以拎住一杯咁食真係幾過癮。黑松露北海道帆立貝野菜沙律黑松露香濃, 細味下帆立貝不失鮮甜, 野菜沙律配有酸酸甜甜既SAUCE, 面頭加左櫻花蝦, 水添香氣, 好夾又好味。芝士魚餅魚餅口感彈牙, 中心夾住半溶芝士, 入口CREAMY又香濃, 加上少少沙律醬甜甜地, 好味~芝麻雞翼香口惹味, 表面脆卜卜, 肉卻不失JUICY!明太子炒飯明太子我最愛, 炒飯中有粒粒明太子同蟹籽既口感, 明