影片
更多
2024-05-17
486 瀏覽
我食過兩次，沾麵同埋雞白湯拉麵。兩邊都試過一次，覺得平平無奇，冇咩特別。啲人吹到話好好食，但係我試完兩邊我都呃唔到自己去覺得佢好食。講吓個沾麵先，啲湯底好浠，我唔知道有咩咁特別，咁就覺得唔會再去🫠 今次我主要係想講呢個雞白湯拉麵。上一次經過佢對面，好似開多咗一間雞白湯拉麵，就去試吓啦！間鋪度正正常常同乾淨嘅。但係好似唔夠人，得一個店員，同埋一個人煮麵。個店員都唔得閒理我哋，交嗰張手寫單要自己行過去廚房俾佢，斟凍綠茶/水都係去自助area自己嚟。店員拎碗麵俾我哋嘅時候，即刻同我哋個豬上面果個醬識係唔使撈落湯同埋面，淨係夾埋啲豬一齊食，咁我見到呢一個醬以為係黑松露，有少少期望，因為店員特登重點同我哋講，但食落好似有啲欖菜，唔覺得同豚肉特別夾，甚至有啲唔想食嗰個醬，所以有啲失望。我叫咗豬+雞雞白湯拉麵，啲雞好滑，啲雞都好食嘅，但佢唔係真係平時出邊白切雞嗰啲雞。啲豬就冇乜特別。另外講吓個麵，佢有小麥麵、柚子麵、是日精選面俾你揀，我揀咗最大路嘅小麥麵。原來有得揀硬度，但係我畫果陣睇唔到，所以我冇tick到嘅，亦都冇人問我嘅，我估我無tick佢應該係最正常硬度，但係我覺得個麵管好粗，唔似平時啲拉麵
兩邊都試過一次，覺得平平無奇，冇咩特別。
啲人吹到話好好食，但係我試完兩邊我都呃唔到自己去覺得佢好食。
講吓個沾麵先，啲湯底好浠，我唔知道有咩咁特別，咁就覺得唔會再去🫠
今次我主要係想講呢個雞白湯拉麵。
上一次經過佢對面，好似開多咗一間雞白湯拉麵，就去試吓啦！間鋪度正正常常同乾淨嘅。但係好似唔夠人，得一個店員，同埋一個人煮麵。個店員都唔得閒理我哋，交嗰張手寫單要自己行過去廚房俾佢，斟凍綠茶/水都係去自助area自己嚟。
店員拎碗麵俾我哋嘅時候，即刻同我哋個豬上面果個醬識係唔使撈落湯同埋面，淨係夾埋啲豬一齊食，咁我見到呢一個醬以為係黑松露，有少少期望，因為店員特登重點同我哋講，但食落好似有啲欖菜，唔覺得同豚肉特別夾，甚至有啲唔想食嗰個醬，所以有啲失望。
我叫咗豬+雞雞白湯拉麵，啲雞好滑，啲雞都好食嘅，但佢唔係真係平時出邊白切雞嗰啲雞。啲豬就冇乜特別。
另外講吓個麵，佢有小麥麵、柚子麵、是日精選面俾你揀，我揀咗最大路嘅小麥麵。原來有得揀硬度，但係我畫果陣睇唔到，所以我冇tick到嘅，亦都冇人問我嘅，我估我無tick佢應該係最正常硬度，但係我覺得個麵管好粗，唔似平時啲拉麵咁軟身。呢碗麵都大，要食晒嘅話要啲時間去咀嚼，同埋都驚佢難消化，如果個面可以幼同軟啲會好好多。
個店員仲同我哋講話個湯可以飲晒佢，因為係冇味精嘅，而且有5%嘅骨膠原，聽完之後覺得真係一個marketing嘅策略，講到所有嘢係好珍貴好特別，等你食嘅時候特別珍惜佢。
得碗湯係成個面入邊最好嘅嘢，我都差唔多飲晒個湯。但係其實除咗個湯底，個面亦都係好重要，但係我覺得個面唔好食🫠
張貼
