Amour Cafe (已搬遷) 新店位置

跟朋友嚟到佐敦覓食，以前睇 Open Rice 記得有呢間舖，專誠嚟試：差唔多 1:00PM 去到，好受歡迎，全場滿座... 間店舖好細，大約得廿二個位左右，門口已經有幾個人排緊隊，我同朋友排喺門口等咗十幾二十分鐘左右，先有位坐喳！ 但入到去嗰喥環境缺乏粉飾... 啲壁畫同埋周圍格局唔 match，好odd... 餐枱之間好窄，成個格局都係茶餐廳... anyway，都係食飯先。啲 SET 包括： (1) 雜菜湯 (2) 主菜 (3) 餐飲 (4) 吉士蛋 / 芝士餅 ，價錢大約喺 $45 - $39 之間。 雜菜湯：得個鹹字... 質地淡如水... nothing to say... 忌廉白汁配雞扒意粉：白汁意粉好 creamy 但係好油膩... 普通貨色。 茄汁龍利柳意粉：朋友食，普通... 吉士蛋：千呼萬喚始出來的吉士蛋，為咗呢個蛋，我哋餐飯食咗個半鐘有突... 淨等個蛋的時間係半個鐘頭... 芝士餅：成餐飯惟一一個安慰.. 係呢個芝士餅.. Cake 好 OK！但個餅底就... Er... 餐飲：普通過唔普通... 名過於實的地痞式 Cafe，剔除食品，格局同服務茶記