影片
更多
2012-10-21
49 瀏覽
是日要出深水埗搵嘢, 知道呢間腸粉好出名, 一早問定朋友點去, 佢仲話果度好多人架, 最好唔好lunch時間去, 但我頂唔到, 所以出到去十二點幾都要食咗先, 好彩去到啱啱仲有1-2個單人位, 咁我攝咗入其中一張近門口的枱, 因為唔想再行入去, 就算行入去, 都係好迫咁6-7個人迫埋一張枱坐, 橫掂冇乜分別, 咁不如求其坐低, 拿拿臨食完走人...........明明臨行之前, 上網search過呢間食評, 仲係講緊5蚊4條腸粉, 但去到果陣原來已經加咗價去到6蚊, 不過一場嚟到, 唔會差果一蚊而唔食, 所以叫咗六蚊腸粉+1份魚旦...............每張枱都放滿醬料, 等你地自己落, 我見個個都係一路食再一路不停添, 食醬多過食腸粉, 難得呢度仲放响度任人落, 對我呢d醬王真係抵呀~~落單冇耐, 亞姐已經送上食物, 雖然人多, 但上菜速度一d都唔慢, 而且呢度流量好大亦好快, d亞姐做到冇停手, d食客不停進進出出, 有人起身就即刻有人攝入嚟坐, 真係旺場................... 腸粉係就係好香好滑, 但我响其他地方都食到, 未至於至專登走嚟同人迫而食, 但勝在
明明臨行之前, 上網search過呢間食評, 仲係講緊5蚊4條腸粉, 但去到果陣原來已經加咗價去到6蚊, 不過一場嚟到, 唔會差果一蚊而唔食, 所以叫咗六蚊腸粉+1份魚旦...............
每張枱都放滿醬料, 等你地自己落, 我見個個都係一路食再一路不停添, 食醬多過食腸粉, 難得呢度仲放响度任人落, 對我呢d醬王真係抵呀~~
落單冇耐, 亞姐已經送上食物, 雖然人多, 但上菜速度一d都唔慢, 而且呢度流量好大亦好快, d亞姐做到冇停手, d食客不停進進出出, 有人起身就即刻有人攝入嚟坐, 真係旺場...................腸粉
係就係好香好滑, 但我响其他地方都食到, 未至於至專登走嚟同人迫而食, 但勝在任落醬, 佢上枱時只係淋咗豉油, 所有其他醬料都放哂响枱, 以自助形式任落, 咁落單果陣咪唔係又話多甜醬少麻醬醬走辣醬呢d情況, 一來唔驚搞錯, 二來方便做嘢魚蛋
6蚊有6粒, 算好抵食啦~~ 由於我唔食得辣, 所以叫咗唔辣, 佢d汁杰杰地, 但冇乜味, 都係勁落甜醬, 魚蛋都算幾彈, 但唔太重魚味, 唔腥就已經好好~
張貼
