影片
更多
2018-08-18
100 瀏覽
今日我同朋友三個拜完神，見到有廣告大張旗鼓同高調甘宣傳呢間爆丼丼，於是同朋友慕名而來。來到見到門面，以為係隱世小店，入面地方係吾大既。大概都已經下午2點幾，都需要係烈日當空下等左15分鐘先有位。我地入到來，見到好明顯人手完全係吾夠！無論係樓面定廚房。每個樓面都手忙腳亂甘，好多人舉手都冇人理。最後幾經波折後，終於落到單。我地叫左雜錦魚生丼，火焰魚生丼同爆火山丼。每個飯跟一個湯，係味噌湯，但放到凍曬先出俾客。完全冇人招呼茶水，揚手叫左幾次先應我地，仲要三個人只攞兩杯水。坐既地方超窄，坐得好逼，吾係好舒服。等左成半個鐘，都冇得食。上菜非常慢，追左好多左，都話出緊。有枱遲入過我地，但食物齊曬。擺明我地張枱係漏單，但只話出緊，吾追可能永遠冇得食。食物來到，想攞個碗分開啲魚生同飯，但我地決定自己來，因為都知道冇人理我地。食物圖片如下:雜錦魚生丼火焰魚生丼爆火山丼，魚子超小，一啲都冇爆既感覺。我睇其他食客既圖，人地係爆曬魚子😅點解爭甘遠既？吾好俾圖片呃左，就得好辛苦先映得稍為美觀。以上魚生全部係暖嫁，食落口感都比較奇怪，可能平時食開凍既魚生多。其實叫爆丼丼，主要係底下白飯夠厚夠多，飯平面都有碗口甘高
來到見到門面，以為係隱世小店，入面地方係吾大既。大概都已經下午2點幾，都需要係烈日當空下等左15分鐘先有位。
我地入到來，見到好明顯人手完全係吾夠！無論係樓面定廚房。每個樓面都手忙腳亂甘，好多人舉手都冇人理。
最後幾經波折後，終於落到單。
我地叫左雜錦魚生丼，火焰魚生丼同爆火山丼。
每個飯跟一個湯，係味噌湯，但放到凍曬先出俾客。
完全冇人招呼茶水，揚手叫左幾次先應我地，仲要三個人只攞兩杯水。
坐既地方超窄，坐得好逼，吾係好舒服。
等左成半個鐘，都冇得食。上菜非常慢，追左好多左，都話出緊。有枱遲入過我地，但食物齊曬。擺明我地張枱係漏單，但只話出緊，吾追可能永遠冇得食。
食物來到，想攞個碗分開啲魚生同飯，但我地決定自己來，因為都知道冇人理我地。
食物圖片如下:
雜錦魚生丼
火焰魚生丼
爆火山丼，魚子超小，一啲都冇爆既感覺。我睇其他食客既圖，人地係爆曬魚子😅點解爭甘遠既？
吾好俾圖片呃左，就得好辛苦先映得稍為美觀。以上魚生全部係暖嫁，食落口感都比較奇怪，可能平時食開凍既魚生多。
其實叫爆丼丼，主要係底下白飯夠厚夠多，飯平面都有碗口甘高，只係係面鋪上幾塊魚生，就收90幾100蚊一個飯。
因為主要用白飯來營造一個爆既感覺，自然煲吾切，所以每個飯都好黏，完全吾係粒粒分明既珍珠米。
有名冇實，招呼吾好，環境吾好，野食吾好，吾會再有下次！
張貼
