翰林茶館 (已結業)

尖沙咀海港城又開左新餐廳，今次係韓林茶館，餐廳標榜係台灣珍珠奶茶的始祖，講到咁誇張，當然要試下有幾正啦。去到的時候正值午飯時間，遠遠已見到有一堆堆人群在門口等候，心諗應該不會太伏，於是買一杯國宴珍珠奶茶和鮮奶烏龍茶，兩杯的味道同樣是令人失望的。先講國宴珍珠奶茶，味道正如Lipton三合一即沖奶粉，配上維他鮮奶，級數絶不稱得上「國宴」，唯一正常的是珍珠，軟硬適中，但用五十八蚊買一杯Lipton珍珠奶茶，實在太貴；而鮮奶烏龍茶味道清淡，說不上上等貨色。最錯的是，等候的時間足足一小時，職員生手，簡直浪費時間。