影片
更多
2013-08-14
1045 瀏覽
自從翠華上市後，分店開得其門若市。今日終於都有機會一睹香港首間上市茶餐廳的真面目。一入去感覺好嘈。聽聞翠華的豬仔十分有名，於是點了一個常餐。( 海藻餐肉芝士麵+炒蛋+ 牛油豬仔+ 茶走) $43。佢的常餐同一般茶餐廳唔同，要係兩點半之後先可以點。海藻餐肉芝士麵係冇芝士味的。湯底好鹹，入口好大陣味精味。食完之後隔左一陣覺得好口乾。麵唔係出前一的口感，亦都唔係平時黃色包裝芝士面的口感。一丁麵係比較爽身，而黃色包裝芝士面係比較彈牙，佢的口感就介乎兩者之間，有小小硬而帶有小小依韌。至於海藻就係正常係餐廳食到個陣味。而餐肉都係正正常常。意料之外的係切得比菜單上的圖 大件。炒蛋幾有蛋味，不過唔夠蛋香。咬落去唔會太老，有小小蛋汁。不過唔夠滑。 牛油豬仔比期望之中差。所謂希望愈大，失望愈大。咬落去幾脆，亦都有幾香的牛油味。如果話係招牌菜未免太誇張，因為感覺十分普通，自己屋企都整到呢陣味。只要係麵包店買個豬仔包烘熱佢再加啲牛油都可以有同樣的味道。最後茶走反而有驚喜。茶走好似愈黎愈少茶餐廳有。其實一路都唔係太知茶走係咩野，睇佢個MENU介紹先知原來茶走係落左煉奶的奶茶。(姐係唔落砂糖。) 言歸正轉，茶走入
一入去感覺好嘈。聽聞翠華的豬仔十分有名，於是點了一個常餐。( 海藻餐肉芝士麵+炒蛋+ 牛油豬仔+ 茶走) $43。佢的常餐同一般茶餐廳唔同，要係兩點半之後先可以點。
海藻餐肉芝士麵係冇芝士味的。湯底好鹹，入口好大陣味精味。食完之後隔左一陣覺得好口乾。麵唔係出前一的口感，亦都唔係平時黃色包裝芝士面的口感。一丁麵係比較爽身，而黃色包裝芝士面係比較彈牙，佢的口感就介乎兩者之間，有小小硬而帶有小小依韌。至於海藻就係正常係餐廳食到個陣味。而餐肉都係正正常常。意料之外的係切得比菜單上的圖 大件。
炒蛋幾有蛋味，不過唔夠蛋香。咬落去唔會太老，有小小蛋汁。不過唔夠滑。
牛油豬仔比期望之中差。所謂希望愈大，失望愈大。咬落去幾脆，亦都有幾香的牛油味。如果話係招牌菜未免太誇張，因為感覺十分普通，自己屋企都整到呢陣味。只要係麵包店買個豬仔包烘熱佢再加啲牛油都可以有同樣的味道。
最後茶走反而有驚喜。茶走好似愈黎愈少茶餐廳有。其實一路都唔係太知茶走係咩野，睇佢個MENU介紹先知原來茶走係落左煉奶的奶茶。(姐係唔落砂糖。) 言歸正轉，茶走入口有好香濃的茶味，帶有小小的甜味，有小小澀，但係澀得黎又幾好飲。而且有香滑的感覺，到飲到最後一啖有小小煉奶的味道，為呢杯茶走畫上一個完美的句號。
至於服務真係好唔得。冇笑容。侍應的人數好明顯唔夠，訓練亦都唔足。我講左落單超過4次先有侍應走黎采我。更住佢入單的時候亦都入得好慢。有一啲侍應係楂住一部好似電子手帳的機去落單，一係就篤得好慢，一係就係咁篤篤篤，手寫的話一早落完單。人力資源分配亦好唔平均。當侍應好忙咁要招呼客人，收銀正坐著兩位姐姐係到吹水。
翠華雖然係上市公司，但係食物質素和服務都比一般茶餐廳差，但取價卻比佢地高。雖然茶走出色，但係都改變唔到比喊臉的結局。
張貼
