影片
更多
2018-06-07
1914 瀏覽
是日一家總動員一齊去到《稚》食飯，聽講非常人多，所以母親一早就出門攞位。相傳呢度嘅定食同貓飯唔錯，於是一家五大一細，分別叫咗四個定食加幾份小食。但食物逐一到來之後，大家嘅失望都愈大。先講下小食，大阪燒真係太過份！除咗菜同粉嘅比例極不正常，太多菜粉少，中心只有少量未熟稀粉漿，口感不是滋味。而最嬲係大阪燒明顯係煎燶，整個餅只有燶同苦味，落大量醬汁都蓋不過呢份苦味，店家仍將之遞到客人枱上。覺得這種烹調態度太失禮，而且極不專業。而蜂蜜芥末雞翼，其實醬汁係不俗，但唯恐只僅限醬汁，因為雞翼係不帶任何味道，兩件事情可以話係各不相干，炸得太老，肉太乾食落榎口，所以我都相當一頭霧水，吃不下。定食之中，分別柯打咗和風牛肉定食、蒜香雜菌炒椰菜定食、咖哩吉列豬扒定食同蒲燒鰻魚原條。我地一家都有柯打店家有名嘅貓飯，貓飯主要由醬油、牛油、木魚、紫菜撈成；但真心一家人都食唔出醬油嘅味道，調味實在有為欠奉。而和風牛肉同蒜香雜菌椰菜係最差，用差形容嘅原因係，蒜香炒雜菌椰菜係苦而且調味唔夠，以早前嘅大阪燒表現推斷，好懷疑可能係煮食用具燶咗，仍不斷作菜而引起，老實講無乜調味除咗個浸濃苦味。和風牛肉敗北之處則係肥牛一啲都唔入
先講下小食，大阪燒真係太過份！除咗菜同粉嘅比例極不正常，太多菜粉少，中心只有少量未熟稀粉漿，口感不是滋味。而最嬲係大阪燒明顯係煎燶，整個餅只有燶同苦味，落大量醬汁都蓋不過呢份苦味，店家仍將之遞到客人枱上。覺得這種烹調態度太失禮，而且極不專業。
而蜂蜜芥末雞翼，其實醬汁係不俗，但唯恐只僅限醬汁，因為雞翼係不帶任何味道，兩件事情可以話係各不相干，炸得太老，肉太乾食落榎口，所以我都相當一頭霧水，吃不下。
定食之中，分別柯打咗和風牛肉定食、蒜香雜菌炒椰菜定食、咖哩吉列豬扒定食同蒲燒鰻魚原條。我地一家都有柯打店家有名嘅貓飯，貓飯主要由醬油、牛油、木魚、紫菜撈成；但真心一家人都食唔出醬油嘅味道，調味實在有為欠奉。
而和風牛肉同蒜香雜菌椰菜係最差，用差形容嘅原因係，蒜香炒雜菌椰菜係苦而且調味唔夠，以早前嘅大阪燒表現推斷，好懷疑可能係煮食用具燶咗，仍不斷作菜而引起，老實講無乜調味除咗個浸濃苦味。和風牛肉敗北之處則係肥牛一啲都唔入味。個種程度係令人覺得吉野家水準好太多，不論份量、調味、價錢、肉嘅口感方面，都係比唔上。
以上沒提到嘅定食同小食，個人只覺得係水平一般。吉列豬扒略嫌炸得太乾身，咖哩只是普通，毫無特色。形同厚燒玉子同蟹肉忌廉薯餅，食出係入貨現成食材。厚燒玉子雖然價錢唔算貴，但呢隻玉子牌子麻麻，再配上沙律醬同木魚碎，真係試食一小舊即止。
整晚唯一只有蒲燒鰻魚定食係還好。大條而且味道夠，價錢合理，但同出一徹，同是入貨鰻魚，所以水準亦不會太差或特別好係言之有理。因此覺得整體不過不失嘅感想，仍會令人費解，為何水準如此仍有咁多人吹捧、為其慕名而來。
總結，可能呢次食評會令人覺得太主觀，而且滲入咗太多假設性。但我認為食物水準欠奉係千真萬確，包括食物燶咗仍遞上餐桌嘅態度唔專業都係真。思量過字句嘅操詞，嘗試唔表現得太過激，但以上狠評，只希望店家有機會睇到後，想辦法改善其食物水準，以及反省作為廚師對煮食待客應有嘅態度。整晚晚餐體驗，真係唔係一般咁簡單，好失望。
張貼
