祥興記上海生煎包 (已結業)

一心想品嚐美食，奈何收銀員態度惡劣，經常提示堂食排隊不要行太前，會阻礙買外賣的人，好煩！等外賣的人要企開D 等，明明得一個人等外賣，見係自己個份都唔可以行入鋪，收銀員喝止，兼要揸番單在門口等，好有霸氣!前面客人陸續入座，餐廳約有20 多個位。原來唔係出幾多人入幾多人，鋪內由有兩個空位，直到一排六個位都吉了，收銀員仍背住門口同負責外賣的同事傾偈，唔叫客人入座。前面客人忍無可忍，問可否入座，收銀員才用卑視眼神望一下鋪有無位，再施施然話可以入去，指定坐邊個位。可能想扮多人排隊食而唔俾人入啦，其實鋪內得番一半客人，排隊的人入晒都仲有位剩。清潔度有待改善，枱面很油。生煎包，吃第一個是脆，第二個已被吃第一個時的湯沾濕，不會提供多一個碗或湯匙。飲品，邊飲邊滴，這種膠杯太薄身了。最勤快係執枱阿姐，你剛食完最後一口就會收碟，可能太少客，要搵野做打發時間。失望而回，此水準賣 $23/4個真的不值，加上有這樣服務對待，不會再幫襯了。