常悅素食 (已搬遷) 新店位置

去開旺角諗係常悅素食有款東坡醬汁肉坊, 平時成日都想食東波肉, 無奈女仔怕肥唔敢食, 記得睇過食評話呢款素食做到同真的一樣, 所以就專登黎試下。去到適逄係晚飯時間好多人等位, 本身自己唔係素食之人, 所以就直接叫外賣。一拎到手, 就即刻急不及待打開個盒試返舊, 菜都係趁熬食先得東坡醬汁肉坊食落去醬汁調教得唔錯, 岩岩好, 唔會太咸太甜, 冇一般素菜的油同太濃味的問題。肥豬肉的迎份係用蒟蒻做的, 而瘦肉部分係豆製品, 味道口感都係唔錯的。不過妹子認為同真的東坡肉一D都唔似, 特別係肥豬肉個部分, 肥肉的口感, 個種油脂香, 豐腴的感覺完全係冇, 蒟蒻食落爽口, 一食就知係假野; 瘦肉部分反而比較似, 而且比較入咪, 始終豆製品都比蒟蒻容易入味。不過妹子都明白呢個始終都係素食, 想唔肥, 又想食肥肉, 簡直冇可能, 如果唔好諗住佢係東坡肉, 佢味道都算係做得唔錯。