合時小廚私房菜

營業中

休息中

Item: 合時小廚私房菜
Rating: 2
Author: 2011mccharmcwin

Hop Sze Restaurant

22 食評

味道

環境

服務

衛生

抵食

5648

天后

$401-800

港式中菜館

2011mccharmcwin

等級2

期待已久，一直聽說一位難求，結果西灣河總店已結業，一行四人前往天后新店一嚐這間口碑一直很好的飯店，結果失望至極，價錢與食物質素不符。預訂時間晚上六時，原本交枱時間是八時，由於於訂位時已預訂菜式，所以上菜速度都快，一個鐘未夠已上完菜，不過侍應收碟快和不斷詢問菜齊未、上糖水好唔好，好似催人食快啲咁，只是7:30pm就問埋單未？收費不便宜的晚飯吃得像午市要翻枱般，感覺很趕。豬肺湯真材實料，但個湯得杏仁味，無豬肺或豬輾的香，而且湯水偏稀，不濃稠，粵來順（全線分店已結業）的杏汁豬肺湯比這個出色很多。炒牛仔肉好一般，最好味的是洋蔥，炒得焦香，不過未食完啲配菜就被侍應火速收走了。煎蓮藕餅有芹菜粒及芫茜在內，其實與蓮藕唔夾，搶走蓮藕清香，入面混入的豬肉亦是瘦肉，本來煎蓮藕餅應該要吸點肥豬肉的油香，全然沒有。蝦多士，蝦膠厚實一舊，內裏夾有全隻蝦，但太厚了，吃時如炸蝦丸，吃完蝦丸，才吃到脆多士，多士唔油好味，但整體不像蝦多士。咕嚕肉正常香脆，咕嚕汁似有加入山渣汁或果汁，清香有果甜，好味。焗豬扒飯，大家樂比佢出色，因為大家樂焗飯有炒底，合時沒有，整個飯太多汁令飯沒有粒粒分明，整個飯只有甜味，蕃茄嘅酸及芝士嘅

期待已久，一直聽說一位難求，結果西灣河總店已結業，一行四人前往天后新店一嚐這間口碑一直很好的飯店，結果失望至極，價錢與食物質素不符。
預訂時間晚上六時，原本交枱時間是八時，由於於訂位時已預訂菜式，所以上菜速度都快，一個鐘未夠已上完菜，不過侍應收碟快和不斷詢問菜齊未、上糖水好唔好，好似催人食快啲咁，只是7:30pm
就問埋單未？收費不便宜的晚飯吃得像午市要翻枱般，感覺很趕。
豬肺湯真材實料，但個湯得杏仁味，無豬肺或豬輾的香，而且湯水偏稀，不濃稠，粵來順（全線分店已結業）的杏汁豬肺湯比這個出色很多。
炒牛仔肉好一般，最好味的是洋蔥，炒得焦香，不過未食完啲配菜就被侍應火速收走了。
煎蓮藕餅有芹菜粒及芫茜在內，其實與蓮藕唔夾，搶走蓮藕清香，入面混入的豬肉亦是瘦肉，本來煎蓮藕餅應該要吸點肥豬肉的油香，全然沒有。
蝦多士，蝦膠厚實一舊，內裏夾有全隻蝦，但太厚了，吃時如炸蝦丸，吃完蝦丸，才吃到脆多士，多士唔油好味，但整體不像蝦多士。
咕嚕肉正常香脆，咕嚕汁似有加入山渣汁或果汁，清香有果甜，好味。
焗豬扒飯，大家樂比佢出色，因為大家樂焗飯有炒底，合時沒有，整個飯太多汁令飯沒有粒粒分明，整個飯只有甜味，蕃茄嘅酸及芝士嘅咸香都沒有，食兩啖便飽滯了，餘下的打包回家，隔日炒熱，炒後飯也像爛飯般，完全唔好味，五百多的焗豬排飯
性價比是零，附上的煎蛋看著好吃，但無燶邊，其實只是普通荷包蛋，一般家庭主婦都煎得較香。
不知合時是否主打清淡口味，主打吃得健康少鹽油，但亦因為咁所有菜式都爭啲爭啲咁，全晚最好味嘅係送嘅綠豆沙，足料亦起沙，清甜解膩。