名館 (黃埔天地) (已結業)

中國菜一向有特色，所以我一向都比較喜歡吃，朋友叫到嘅聚會晚餐，每一次一大班人開心地食飯，真係人生一大樂事。今次仲可以品嚐特色精美嘅中菜，原來餐館除咗有小菜提供之外，仲有特色嘅點心系列。由於我哋太多人，一定要坐一張大圓枱，大圓枱仲有一個玻璃旋轉上菜盆，唔使驚夾唔到嘢食。餐廳紙張有兩三款，食物多款選擇。平時屋企少湯水嘅我，隨即叫咗兩個燉湯，包括糖心黑蒜燉響螺同埋姬松茸燉花膠。糖心黑蒜燉響螺湯飲落去好清甜，而且響螺味道香濃，響螺質感好林，非常滋潤。女士們最鍾意食鮑魚可以滋陰養顏，隨即叫咗一鍋石鍋鮑魚沙薑炆雞同埋石鍋鮑魚雞粒炒飯。石鍋鮑魚沙薑炆雞份量頗多，而且雞肉肉質鮮嫩，每一件雞件都好大隻。朋友們就order了自製菌皇醬蒸鐵棍淮山、好味醬秋葵炒海螺片、蜂蜜柚子蝦球同埋海綿叉燒包等總括而言，餐廳食物質素新鮮美味，每一碟餸菜都好有鑊氣，炒得非常香口，還有甜品可以食完飯叫幾款甜品一齊share食，最重要係坐得舒適，必定會再同朋友encore再試。