一線軒雲南桂林過橋米線 (已結業)

係鰂魚涌，咁多貴價樓，貴商廈既集中地，普普通通食個晏都要五六十。但如果唔係太肚餓，我就會食碗米線，有幾個餸，唔會獨孤一味嘛。兩餸都係 $46， 包汽水或豆漿試過佢地既泰式魚餅，加入咗香茅，係特別既，但我就麻麻啦。另外仲有潮州牛肉餅，又係特別既，不過睇落似撳扁既牛丸。我最鍾意呢，就係古方墨魯餅啦，彈性口感十足。最後要留意，呢到就算你叫少酸菜咩，都唔會少到架，你夾開放上張枱，個姐姐會寸你，下次叫少酸嘛，。我仲有下次？我...我真係下次再黎，佢都唔記得寸過邊個客啦⋯⋯我下次每次都直情叫佢走酸啦⋯⋯因為呢到啲酸菜都幾酸架。