定食 Doraya (已搬遷) 新店位置

因為接太太放學，我呢個鄉下佬今次嚟到尖沙咀試吓呢度嘅吞拿魚丼。好耐之前已經知道佢嘅存在，而且好評如潮，好多次放工經過因為一條佬，所以都無入內試吓，今次就順道試吓網內咁多位推介嘅吞拿魚扒定食同吞拿魚腩定食。吞拿魚扒因為加咗海鹽，所以食嘅時候外層會好咸，建議唔好加吞拿魚醬油，先享受完吞拿魚扒後先再加醬油清埋D飯。又因為加咗海鹽後先至放入爐燒嘅關係，魚扒外層嘅脂肪會燒得脆脆地，再加上未熟嘅內層，外脆內軟又多汁，正!吞拿魚腩丼其實無咩特別，不過魚嘅份量充足而且好新鮮，加上D飯本食已經好好食，學D台灣人講"真的很Q"，呢點都喺直得加分嘅。當晚重點咗三件炸雞，炸得好透所以真喺好鬼熱氣!! 但喺入面嘅雞無炸過龍仍然喺好滑，抵讚。