博多拉麵別天神 (已結業)

位於銅鑼灣告士打道嘅別天神拉麵，屹立多年都未有機會一試。結果尋日終於去咗，不得不說有點失望。首先講下蝦味拉麵：湯底嚟講，比起灣仔一虎拉麵真係完全比下去，蝦味完全唔突出，舊叉燒肥瘦亦欠均勻。蛋嚟講都算係正常發揮，套餐價錢＄115，連小龍蝦沙律。講真，個沙律仲好食過碗麵。麵嚟講無得選擇粗幼同硬度，不過反而係成碗麵我最欣賞嘅部分，只可惜湯底未能相得益彰。沙律嚟講，都食到幾隻蝦，算係幾足料，係好食嘅，不過紫菜真係唔夠脆。拉麵店嚟講，竟然俾個沙律喧賓奪主，實在可惜。另外環境方面，其實入去之前已經一眼望晒個鋪面，比較窄係不意外，不過實有烏蠅飛嚟飛去，目測都見到三隻，實在影響食慾。總括嚟講，一試可以，但唔值得一去再去。