Hard Rock Cafe (已結業)

<<呀媽帶我去威系列>>2難得出到去中上環，呀媽話食完lunch之後再去多間食蛋糕，又話上次食過呢間好食，所以去左呢間Hard Rock Cafe。入到去見到啲人全部都係食緊正餐，而且食物份量都多，都幾吸引咁。但因為我地已經食完正餐，所以只叫左一件cake同2杯野飲。野飲無乜特別啦，普普通通過得去。我叫左Rider in the storm，我覺得好似什果賓治加酒😂無乜驚喜囉。呀媽叫個杯都正正常常咁，唔算太特別。但cake就真係好食啦，又唔會好乾好硬，又夠香。我媽十分喜歡，我都覺得好食，不過有啲貴囉，我記得都差唔多一百蚊。總括而言，食物比飲品好，環境都舒服。