kikusan

營業中

休息中

我覺得一間好既餐廳除左食物要好食之外，員工既服務態度都好重要。呢度雖然食物OK，但就被一位態度惡劣既員工扣曬分。我地一行六人，點完餐後問一位女侍應拎六杯水，佢就只放低左五杯。到落單都係同一位侍應。午市時段上菜好慢，同行有兩位點既食物都係雜錦串燒飯，但只上左一碗。我地問番果位女侍應，佢查一查電腦後就只答會盡快上（邊行邊講，什至無停低覆我地）。到我地其餘五個人都差唔多食完，我地再問另一位侍應，佢就問我地個飯係咪後加。我地點菜係同時間點，就係果位女侍應漏左單再後加上去，一句唔好意思都無，只係照常落單又無特別跟進食物快少少。等上菜等左一段時間，佢後加又再等多一段時間，所以到碗飯黎到已經過左半個鐘，同行朋友食得勁趕。我地六個人一人叫一碗，佢落餐時只落五樣野，只可以話佢好唔用心，同埋全程黑面，語氣同態度都好唔耐煩咁樣。我相信係個別員工既問題，希望呢間餐廳會注意員工培訓。薄燒豚肉飯，個飯入面無醬汁，而薄燒豚肉都比較乾身。所以成個飯有啲dry。炸雞親子飯，個蛋炒得好滑，用左味醂調味，甜甜地，好食。