影片
更多
2022-03-04
207 瀏覽
之前睇到好多評語話員工態度差，但今日真係另眼相看。今日排隊幫襯都聽到員工有覆單同問係凍飲定熱飲，又會多口問甜度冰度。而收銀處亦有張貼溫馨提示客人落單預設係凍飲。中間聽到有客人話要點解珍珠奶茶唔可以要求改鮮奶，員工都有細心解釋同提議客人改落紅茶拿鐵加珍珠，態度仲唔差喎。自己就買左杯黑糖波霸純鮮奶，整完出黎準備拎走阿仔先突然發脾氣話係要有奶蓋果隻（原來有杯叫“特濃”...）。有員工聽到即刻問洗唔洗幫我地加返。見佢地排緊十幾杯野飲唔係幾好意思但佢地都肯幫我地優先加番，抵讚!其實阿仔之前都自己買過幾次，有次仲帶唔夠錢買個膠袋（真心唔明凍飲點解都要收5毫子...) ，好唔開心。佢話好彩有個女員工話送個膠袋俾佢，仲提佢下次記得問屋企人預多5 毫子。阿仔話佢好好人，想講句多謝。住附近十間有九間鋪都怕疫情唔開。近幾次行過見到間鋪都係得番一兩個員工，今日又見到佢地因為疫情要再縮短營業時間。下次一定會再黎支持你地。撐住!
今日排隊幫襯都聽到員工有覆單同問係凍飲定熱飲，又會多口問甜度冰度。而收銀處亦有張貼溫馨提示客人落單預設係凍飲。中間聽到有客人話要點解珍珠奶茶唔可以要求改鮮奶，員工都有細心解釋同提議客人改落紅茶拿鐵加珍珠，態度仲唔差喎。
自己就買左杯黑糖波霸純鮮奶，整完出黎準備拎走阿仔先突然發脾氣話係要有奶蓋果隻（原來有杯叫“特濃”...）。有員工聽到即刻問洗唔洗幫我地加返。見佢地排緊十幾杯野飲唔係幾好意思但佢地都肯幫我地優先加番，抵讚!
其實阿仔之前都自己買過幾次，有次仲帶唔夠錢買個膠袋（真心唔明凍飲點解都要收5毫子...) ，好唔開心。佢話好彩有個女員工話送個膠袋俾佢，仲提佢下次記得問屋企人預多5 毫子。阿仔話佢好好人，想講句多謝。
住附近十間有九間鋪都怕疫情唔開。近幾次行過見到間鋪都係得番一兩個員工，今日又見到佢地因為疫情要再縮短營業時間。
下次一定會再黎支持你地。撐住!
張貼